Evangelium Secundum Lucam*
Caput 22: Versus 15
Desiderio desideravi,etc. Desiderat primo typicum Pascha manducare, et sic passionis suae mysteria mundo declarare, ut et antiqui Paschae probator exsistat, et hoc ad suae dispensationis figuram pertinuisse demonstrans, jam adveniente veritate umbra cessare debeat. In cujus rei figura defecit manna, postquam comederunt filii Israel de frugibus terrae, nec usi sunt ultra cibo illo.